Өмірбаян

А.Б. Салқынбай 40-тен астам оқулық пен монографияның, 750-ден аса ғылыми және ғылыми көпшілікке арналған мақаланың авторы. Бірнеше ғылыми жобаның жетекшісі, 2013-2014 жылында Халықаралық «Болашақ» бағдарламасы бойынша АҚШ-та Висконсин-Мадисон университетінде тағылымдамадан өтті. АҚШ, Франция, Германия, Швейцария, Италия, Испания, Польша, Қытай, Индия, Біріккен Араб Әмірліктері, Ресей, Түркия және т.б. елдерде өткен халықаралық ғылыми¬ конференцияларға қатысушы. Осы уақытқа дейін 20-ға жуық ғылым кандидаты мен PhD докторларын дайындады.Қазақстан халқы Ассамблеясының қоғамдық «Бірлік» алтын медалінің, ұлт ұстазы А.Байтұрсынұлының 150 жылдығы құрметіне шығарылған «А.Байтұрсынұлы» медалінің, ТҮРКСОЙ-дың «А.Байтұрсынұлы» медалінің, «ҚР ғылымын дамытуға сіңірген еңбегі үшін» медалінің, Алаштану ғылымына қосқан сүбелі үлесі үшін «Алаш зиялысы» медалінің, «ҚазҰУ-ға 75 жыл» құрмет белгісінің, «ҚазҰУ-ға 80 жыл» мерекелік медалінің, «ҚазҰУ-ға 85 жыл» мерекелік медалінің, Әл-Фараби атындағы Қазақ ұлттық университетіне сіңірген «Ерен еңбегі үшін» медалінің иегері. Сонымен қатар 2007, 2014 жылдары ЖОО «Үздік оқытушысы», «Ұлттық құндылықтар Академиясы» қоғамдық бірлестігінің толық мүшесі – Академигі.